روشتة كاملة لعلاج ألم الأسنان والتهاب اللثة وانتفاخها

   كتير بيسألوا إزاي أتعامل مع زوجي ؟؟

           


الراجل بطبيعته إنسان عنده إحساس ومشاعر 

بيكون دايما حابب إن يشوف مراته في أحسن

 صورة بيتعب وبيشتغل وبيكون عليه الحمل الأكبر 

في كل حاجة بيكون الأب والأخ والزوج 

لازم تدعميه في كل حاجة وتقفي جنبه وتستحمليه 

في وقت زعله وتبقي الأم والأخت والصاحبة اللي

 بتهون عليه كل شئ 

لازم تكوني الزوجة الصالحة اللي تصونة وقت

 غيابه 
ووقت حضورة وتراعي ربنا فيه 

أسرارك انت وهو ماحدش يعرف بيها ودايما حاولي

 إنك تكوني سره اللي هو بيتكلم معاكي وهو مطمن

 وعارف إنك هتصوني سره 

دايما فكريه بمواعيد الصلاة وإهتمي وأعرفي كل 

تفاصيل يومه وأوعك تملي أو تزهقي إنك تسألي 

عليه  كل شوية دا جوزك وده حقه عليكي 

أهم حاجة إنك ماتحمليهوش فوق طاقته ولا تطلبي

 منه حاجة إنت عارفه إنه ممكن مايكنش وقتها

 يقدر يجبهالك خليكي قنوعه وهتلاقيه بيجبلك كل 

حاجة وبيتمني يسعدك ويفرحك 

خليكي السند اللي بيتسند عليه والضحكة الحلوة 

اللي بتطمنه والقلب الطيب اللي بيسامحه مهما

 يعمل يفضل حبيبك وكل حاجة ليكي

افرحي بفرحه وازعلي علي زعله وشاركيه كل أمور

 حياته 

دايما ناديه بالاسم اللي بيحبه وخليكي حسنة الخلق

 وتقبلي منه كل شئ هو جوزك 😂

وقت الهزار هزري ووقت الجد اتكلمي جد وكوني 

مرنة وعندك القدرة إنك تستحملي كل شئ علشانه 

هو حبيبك ويستاهل إنك تضحي بكل حاجة علشانه 

أدعيله في السر والعلن صدقيني دعوتك لما بتكون 

من القلب بتقف في طريقه وبتفرق معاه جدا هو 

محتاج دعائك 

حاولي تعملي كل حاجة هو بيحبها وبيفرح بيها 

سواء في الأكل أو في الشرب او حتي في لبسك

 وإهتمامك بنفسك 

وأوعك في يوم تهمليه أو إهتمامك بيه يقل لأنه 

مايستاهلش منك كدا 

وصدقيني جوزك بيحبك وهيفضل يحبك لأنه أكيد 

تعب لحد أما اتجوزك ومش بالسهل يستغني عنك أو 
يعاملك معاملة سيئة ربنا قال في كتابه (وجعل

بينكم مودة ورحمة)😊☺.